Ghadi( Waqt)
Zindgi bebas thee so ghati rahi
Umr bhi laAchar thee badhti rahi
Apno ki ginti bhi kum hoti rahi
Thainga dikhati Ghadi chalti rahi
Zindgi bebas thee so ghati rahi……
Moh ke vash jabran phansti rahi
Jalte logon se bhi ye jalti rahi
Karm phir bhi saare magar karti rahi
Ghati-badhti gintiyan ginti rahi
Zindgi bebas thee so ghati rahi
Thainga dikhati Ghadi chalti rahi
Janm-marn ke pher main uljhi rahi
Zindgi fursat tatolti rahi
Swarg-Nark ke bhaid se anjan si,
Samaycharka ki pher main pilti rahi
Zindgi bebas thee so ghati rahi
Main hi Main main jane kahan khoti rahi
Zindgi bebas thee so ghati rahi, Thainga dikhati Ghadi chalti rahi
